అంధగీత

కళ్ళుంటే చదివామా
చెవులారైనా విన్నామా
కులపు గొప్పల్లా
కలుపు మొక్కల్లా
కరడు గుండెల్లా
ఖద్దరు కండల్లా
కరగని బండల్లా 
దేశాల్నే దోచేస్తూ
దేశాన్నే ధూషిస్తూ
ఆదేశాల్నే తోసేస్తూ
తిరుగుతున్న మనుషులంతా
తెగులద్దిన మనసులంతా 
తరుగుతున్న అంతరాల్ని
తెగువచూపి పెంచేస్తూ
విలువలన్నీ  దూరం చేస్తూ
మరి చుట్టూ ఎడారి చేస్తూ
వీధుల్లో విద్యాలయాల్లో
అరుస్తూ చరిస్తూంటే!

అవేవీ చేరని
అంధ బధిరాలయాల్లో,
మనుషుల్నే తయారుచేసే
నిజ దేవాలయాల్లో,
మంచితనం బతికిస్తుంటే
మమకారాలు చూపిస్తుంటే
బతికే మార్గాలు తోడొస్తుంటే
కళ్ళుంటే కనబడడని 
కుళ్ళంటూ కనబడలేదని 
అంధకారం ఎందుకదేలని
చదువులమ్మ చదువుకుంటే
గీతనంతా చెబుతూంటే
మతాల జాడ్యం
భూతద్దాల మాధ్యమం
బుద్ధిగా బుడతలుగా మారి
గుచ్చుకున్న బాణాల్ని తీస్తూ
నొచ్చుకున్న జనాల్ని చూస్తూ
గుండెలపై మరకల ఆనల్ని తుడుస్తూ
గర్వంగా తలకెత్తుకోవాలనింది
గొప్పగా చెప్పుకోవాలనుంది
కళ్ళుంటే తనకు ఇవ్వాలనింది!

Reaction after reading about a a blind girl learning geeta, reciting flawlessly and saying she cannot see god anyways.