మురళినిబట్టెడి బాలుడు
సరళముగా పాడుకొనుచు సరగున నెగసెన్
వరముగ దొరికెను తెలుగుకు
సరమే స్వరపేటికంచు సరిగమ మురిసెన్!
నగుమోమున నగుమోమును
జగమున తత్వము తెలిపెడి జతిగొన తానే
వగచుచు శోకము పాడిన
జగదానందకృతివిను జగమున తానే!
థిల్లానల ధీమంతుడు
సల్లాపముజేసె తాను సహవిద్వత్తున్!
అల్లాడించెను యందురు
ఉల్లాసము మదిని జేర నుర్వేమెచ్చెన్!
ఎందరు మహానుభావులు
అందరితో కలిసితాను నందముజేసెన్
వందలలో యొకడందురు
అందని రత్నము తనకును అందగలేదే!
తృష్ణను పాడెను మురళీ
కృష్ణుడు రాముని పొగడెడి కృతులను పాడెన్!
నిష్ణాతుడు భావమునే
విష్ణుపదముజేర్చి తాను విష్ణువుజేరెన్!
No comments:
Post a Comment