కళ్ళల్లో నీళ్ళసరస్సు
గూళ్ళు కట్టుకున్న అనుభూతిపక్షులు
ఈదుతూ అంచుల్లోపలే బతకాలంటుంటే
ఈదురుగాలి అలలుచేసి నడిపిస్తోంది
గూళ్ళు చెదరనీయని జ్ఞాపకాలపుల్లలను
ఏరుకుంటూ
నేను
నేనే అనుకునే నేను!
పైనుండిపడ్డ ఒక నీటిచుక్క
తనను వదిలేసినా మరవని కళ్ళు
సరస్సును రెప్పలపొరల్లో దాచి
పక్షులను కాపాడుకుంటున్నాయి
వాటిని తటీతీరాన
వెతుక్కుంటూ
నేను
నేనూ అనుకుంటూ నేను!
No comments:
Post a Comment