జారుతున్న నక్షత్రం
చేరుతున్న వానచుక్క
పారుతున్న నది
ఇవేవీ నావి కావు
కానీ ఆనందాన్నిచ్చేవే!
ఎత్తుని తక్కువచేసే చెట్టూ
చిత్తుగ ఓడించే పర్వతం
కొత్తగ అందంజూపే హరివిల్లు
ఇవేవీ నా అసూయకు చేరవు
కానీ ఆనందాన్నిచ్చేవే!
మైళ్ళు పైకెడుతున్న నీరు
మళ్ళీ నీకే అంటున్న మేఘాలు
కుళ్ళు తాకనీయని పసిరూపాలు
ఇవన్నీ నా కనుభావనలే, మారవు
అన్నీ ఆనందాన్నిచ్చేవే!
అన్నీ
చేరినకాలం
చేరేగమ్యం
చేవను మర్మం
చేసే భావశిల్పాలే!
No comments:
Post a Comment