ఆకాశంలో సూర్యకిరణాలు
చేరే వేలమైళ్ళ కోణాలు
నువ్వూ నేనూ
నీడన నడిచే జీవితకాలం పచార్లు!
రాత్రంటే వెన్నెలరేలా
జార్చే అమృత ప్రకృతివనాలు
నువ్వూ నేనూ
నీడలజాడన వెలుగుగాలం జాలర్లు!
ఎత్తైన పర్వతం
పైనెక్కడో మేఘాలు
పెరిగేసిన చెట్టూగుట్ట
ఎదిగానను ఆకాశహర్మ్యాలు
వెలుగు తలల వంచి
చూపే నీడపట్టు మంచి
మేమిచ్చాం బదులేదంటే
మనసంతా వెలుగును వెదికి
మనదనే నీడనుజేసి
మనుగడనే చదవమనింది!
అన్యోన్యాశ్రయ విడిదుల్లో
ప్రకృతి ప్రభాతభాసం
సహధర్మ సావాసం
అనాతపసుధాకోశం!
No comments:
Post a Comment