ఆకాశం నిర్మలంగా ఉంది
గాలి ముంగిలిమకిలిని సరిహద్దుల్లోనే తుడిచేసినట్టు!
దూరంగా కాపాడే హద్దులేవీ కనబడటంలేదు
మనమే చేసుకున్న హర్మ్యాల అగడ్తలు ఆపేసినట్టు!
గాల్లో విమానం వేగంగా వెడుతూనేవుంది
దార్లో ఎగిరొచ్చేపక్షి తాకుతుందేమోననే భయం వదిలితే ఒట్టు!
ఎక్కడో సైనికులపహారా చలికొండల్లో తరగని పట్టుదలతోవుంది
ఇక్కడవేవీ పట్టని మాదకద్రవ్యాల అగ్గిలో జనం చలికాచుకుంటున్నట్టు!
గాల్లో శవాలు తనవాడనుకునేవాడి రక్షణకై లేస్తున్నాయి
పట్టణాలహేలల్లో తన గాడి యిదనే శిక్షణలేని ప్రాణాలు బుడగలైపోతున్నట్టు!
అందరినీ వదిలిన కొన్ని నిస్వార్థజీవాల్లో కర్తవ్యయోగం గమనంగా చూపెడుతోంది
ఎవ్వరినీ వదలననే ఎన్నో స్వార్థజీవాల బతుకంచున సరిహద్దే ఇదన్నట్టు!
(చంద్ర రెంటచింతల జులై 22 2017)
No comments:
Post a Comment