తెలిసిన తెలుగను సంస్కృతి
తెలిసీ తెలపక నడిచిన తెలవారగనే
తొలిజామున కీలలనే
కలిపి ప్రజల కలుపుగోలు కనమనె భోగిన్!
బాగుగ చలియని వణికిన
పోగుగ మంటేసి జనులు పోగవరె నిలన్!
భోగపు బసవన్నొచ్చెడి
భోగిని రేగులనుబోయు భోగము మనదే!
వచ్చెడి హరిదాసుగనము
నెచ్చెలి హరిదాసుకెద్దు నెమ్మిక గనమే
ముచ్చెమటల పరుగులిడను
వచ్చెడి ముంగిలిన మంచి వలదన గలమే!
వచ్చెను పంటలు నింటను
మెచ్చెను ప్రకృతీపురుషుని మెచ్చెను జగతిన్
నచ్చిన వారికి బట్టలు
వచ్చిన ధాన్యమును బంచ వచ్చెను బుణ్యమ్!
పశువే తలనే యూపిన
శిశువే మరినవ్వునంట శితమన నదియేన్
పశువేయని జూడగనము
శిశువుకు తిండివ్వమనుచు శివుడే బంపెన్!
గుడిలో దేవునికిచ్చుట
నడగని పూజారికివ్వ నడతని నేర్పెన్
నడచిన నలుగురి గలియుట
గడచిన రోజులను మెచ్చు గమనము నిధియే!
మకరపు సంక్రమణంబని
చకచక బనులింట జేసి చక్రములాపిన్
పకపకనవ్వుల దినియెడి
సంకటి రైతుల భిక్షనుచు సంక్రాంతొచ్చెన్!
వనభోజనంబు లంచును
జనమును రుచులను గలిపెను జఠరము నిలిపెన్
కనుమనె దానము ధర్మము
కనుమని కలయగనుయొచ్చి కనుల దెరువనెన్!
No comments:
Post a Comment