కొందరికి మనుస్మృతో
కొందరి మనసు మృతో
ఓ దుర్గమ ధృతో
ఓ దుర్గాకృతో
అవని గళమో
అది అనిర్గళమో
ఘాటున గొంతెత్తి
పోటున ముంచెత్తి
మాటలనెంచి పట్టి
మాటునెంచక నిలిచేట్టి
వనితగా అడుగు ముందెట్టి
విడుపులనాపక పదునెట్టి
విడవని అరుపుల పక్కనపెట్టి
వదలని అర్భకుల పడగొట్టి
బోధిబోధన సోది పట్టని
రాహులుమాయాల నొడిసిపట్టి
న్యాయపు గౌరవం
చదువరుల ధర్మం
వంతల సామాజికన్యాయం
వాతల సమన్యాయం
వాసాల దేశ దైన్యం
అక్కునపట్టి
మనసుబెట్టి
మనసులబట్టి
బాణము నెక్కుపెట్టి
బాధ్యత లెంపల కొట్టి
ఒకటొకటి ఏకేట్టి
గట్టి కొలికిని ఎక్కుపెట్టి
ఒక గంట నిలబెట్టి
చిట్టీలు పక్కనబెట్టి
మాట్లాడ గలిగేట్టి
సభ్యుల కనిబెట్టి
కళ్ళబట్టి
ఏళ్ళైనట్టి
ఓ స్వామ్యధరిత్రీ
సభా సౌమిత్రీ !
నీపై ఎక్కుపెట్టులు
నీవెక్కు మెట్టులు
నీవే కనిపెట్టితివిపో
ఓటులు నోటులు కాదు
ఘాటుల మాటలు
వినిన చోటులు
చూచిన ఆటుపోటుల
ఒక గంట
ఉపశమనమాయెనా నీకున్!
No comments:
Post a Comment