ప్రగతికి మెట్లు

Morning poem after watching the intelligent going on brain drain, brainless exploiting the system,  so-called experts tweaking news, common man lacking questioning in four pillars of society :

నిదురలు ఓడిన ప్రశ్నార్థాలు

మదుపుల మోడున పొదుపర్థాలు

అపజయం అవసరం

కలవని పాట్లు

విజయం దూరం

కలిపిన చోట్లు

దూరపు వలసల మేధో మార్గం

దారపు మెలికల మదినో దుర్గం

ధరాతలంలో ద్రవ్యోల్భణంలా

దరికీ దారికి చేరువకాక

దొరికే దారుల చరియిస్తుంటే

దాటని భారపు చరియౌతుంటే!

సంక్షేమంలో ఎదిగిన స్వరాలు

సమూహ క్షేమం ఎదగని తరాలు

సమాజ అక్కర మెదలని చరాలు 

స్వార్థపు సంఘం వదిలిన శరాలు

సంధిస్తుంటే 

శోధిస్తుంటే

సొదలా ఎదలో 

రోదిస్తుంటే

ఇవి నీకథలని

బోధిస్తుంటే!

ఇజాలజాలపు విద్యాలయాలు

భుజాలగాలపు రాజ్యాలయాలు

బాజాలగోలల ఆద్యాలయాలు
పాలితబలాల విషవలయాలు

నిజాలు కొన్నే

భజనలు అన్నీ

మరువనివెన్ని?

బరువనేవెన్ని?

బదులని కొన్ని

వదులని కొన్ని

వదలని కొన్ని

గదులను ఎన్ని

తిష్టాగోష్టులు ఎంచుకొనిన్నీ

దుష్టారిష్టులు పెంచుకొనిన్నీ

కన్నయ్యలలా గొడవలుపన్ని

అంతర్జాలపు తోడునకొన్నీ 

మార్జాలంలా తోడిమరిన్నీ

మృతజీవాల కథలు ఇవన్నీ

మనుగడ చేరే మజిలీలెన్ని?

తెలియనివన్నీ

చదువని దున్ని

శరీరకష్టం పరిప్లవించే

ఎవరికి తెలియని కథలు ఇవన్నీ?

ఇదా కథంటూ వింటూపోతే

ఇదే కళంటూ తలంటిపోసే

వృధార్థ రాతలే 

ఉదంత వ్యధితలే

కోట్లకు కోట్లు, 

ఓట్లకు నోట్లు

ఒట్టుల గాట్లు,

కాట్లు  చివాట్లు,

లోటలవాట్లు

అక్కున చీట్లు

అరి సిగపట్లు 

ఇలాంటి రాతలే మనకున్నట్లు  

సూట్లు బూట్లతో  

నోటిలో తూట్లు

తొక్కే చోట్లు

ఎక్కే మెట్లు

కతికే నోట్లు

బతికే చోట్లు 

స్వామ్యపు వెన్నున 

వదలక పోట్లు

సవాలు పెన్నుల

మొదలున తూట్లు

వార్తల పేరిట ఉతికెయ్యాలని

బర్ఖా బాటన బాతాఖానీ

అర్ణబు నోటన ప్రతిదీ ఖూనీ

నటనల చాటున దాటే గట్లు

తెగుతూపోతే ప్రగతికి మెట్లు

నీకూ నాకూ  పట్టదన్నట్లు

ఎలాగ ఉంటాం, చెప్పేదెట్లు?

దైన్యపు ధైర్యము దాటని గడపలు

గాలుల పయనపు వాటపు పడవలు

దారే వెదకక కదలకయుంటే

ఏదీ పట్టని మనసుకు తూట్లు

పొడుస్తూ వెళ్ళే మాటలవాట్లు

చెప్పేవారు ఎవరన్నట్లు

చుట్టూచూడక వెయ్యుము నాట్లు

నీదే జగతని చాటేటట్లు

అడుగేయ్ అడిగేయ్!

వడిగా జడిగా

గడులని వదిలేయ్!

అడుగుల సడిగా

తడులని చెరిపేయ్!

మానుల మనసుల

కథలని మార్చేయ్!

మనసులు కదిపే

మనిషిగ అడుగేయ్!