==============
కొట్టుకు చచ్చే మార్గపు ద్వారం
వెతికేదాక ఆగనివారం
చంద్రుడు బుధుడూ అంగారకుడు
పాలపుంతకై పరుగులుపెడుతూ
త్రిశంకు స్వర్గపు తలుపులు తడుతూ
ఎపుడూ చూడని, మలుపులు తెలీని
దారులు వెతికే మనములు కొన్ని
చుట్టూ మనుషుల వెతలెరుగమనిన్నీ
ముట్టీముట్టక బతుకుని దున్ని
చేసే కర్షకకర్మల ఫలములవెన్ని ?
రాక్షక బల్లుల అస్థికలెన్ని ?
రావణ కాష్టపు శీర్షికలెన్ని?
యంత్ర కవాతుల మేధలవెన్ని?
ఆకలిచావుల చేతలవెన్ని?
మనిషిగ నిలపని గోడలు కొన్ని
కసిరాబందుల పరిశ్రమంటూ
లోభపు మసితో మలినం చేస్తూ
ఘడియల గడిపే భ్రష్టుల ఆనలె అవన్నీ ?
మనసుల తాకే కథలను అల్లి మరిన్నీ
అసువుల బట్టే కథలను ఎంచీ కొన్ని
రాసే శ్రమతో
తాకే శ్వాసతో
బతుకును నీవే
వెతికెయ్ వెతికెయ్
విడి రహదారుల
గమనమునొదిలెయ్!
No comments:
Post a Comment