ధననిర్మాల్యం
================
అరకొర దుస్తుల మాసపు ప్రతిమలు
అమ్మికలేమో ఆంగ్లపు మదిరలు
ఆటలవంటే గుర్రపు పరుగులు
దొరకనికొన్ని కప్పుల తప్పులు
ఎగిరిన విమాన అప్పులు తిప్పలు
లకుముకిపిట్టయి ఆడిస్తుంటే
చుట్టూ ఎరుపై ఘోషిస్తుంటే
చట్టపు మొదటిపుటలను పడితే
కొఠీపేఠీబాబుల జతలే చెడితే
ఖర్చులపూడ్పుకై కుదువలుపెట్టి
తన పరపతినే అప్పులబెట్టి
తాళగలేక కొన్నిటి ఖరీదు కట్టి
తందానాలకు విరామమెట్టి
ఆంగ్లపుతోటన పాగాపెట్టి
రోజుకోమారు తలుపులుతట్టి
తనురానందుకు కబురనిపెట్టి
వ్యసనములన్నీ మనసునబట్టి
వ్యాపారములే తనఖాబెట్టిన
మాల్యాబాబుకు సలాముకొట్టే
మూల్యపు వ్యసనపు ఖరీదు కట్టే
షరాబు ఎవడూ ధరణిలో లేడోయ్!
No comments:
Post a Comment