ఆశా సమీరం

ఆశా సమీరం ======== అన్నముపెట్టిన అమ్మల తోడు నాన్నలు గిట్టిన అమ్ముల తోడు ఎవరూలేరను తమ్ముల జూడు అన్నీ తానని కట్టిన జతగాడు కరువై గడిపే క్షణములజోడున ఎవరూలేరని అనుకునే నాడు ఒంటరి గమనపు పాతిక యీడు వెనకొదిలేసిన మలుపు గూళ్లను జూడు కదిలే గమనమే శరీరగోడు వెతలకు వదిలితే వివేకము ఓడు వదలని అమృతఙ్ఞాపకముల తోడు ఎపుడూ విడువని క్షణమవు నేడు నువ్వే కదిలిన నలుగురి తోడు నీబోటోండ్లకు ఎముకై చూడు నడిచీ అలవని శ్రమలలో నేడు నిను బతికించిన ఒక్కొక్కరే నేడు ప్రకృతినొదిగే ప్రతిబింబాలే జూడు నిన్ను కదిపిన నవ్వులతోడు చుట్టూ మిగిలెను ఆపక చూడు మోడులతోడు, గోడులతోడు ఇపుడోమారు సరిచేసి చూడు నీ మనసన్నది - మలుపును చూడు నువ్వే ఓడితే, ఓటమి గోడు వినువారుండరు గెలిచి చూడు ఎవరున్నారని పుట్టిననాడు నీవెవరన్నది చెప్పినతోడు నువుకాదన్నది ఎరిగిన నాడు నీ నిశ్వాసల గమనపు కీడు నడిచే ఆశల గళమై నేడు వెతనెనకొదిలే శ్వాసల తోడు నీవేనీవని తెలిపే కథలో రేడు మరెవరో కాదని తెలిపే వాడు ఎవడో వేరే వేలుపు కాడు నీలో వెలిగే దీపపు తోడు నిలిచే చమురై కదులుము నేడు కనులలో వెలుగులు చిమ్ముతూ చూడు కాంతులు తలరాతల రాయుము నేడు!