నీటను ముంచుటదేల్చుట
చాటున నూనెలనుగాల్చి చాలనుకొనుటన్
ఘాటగు మిరపనుజల్లుట
మోటగు శిక్షయునుగాదు మోహన సీమన్!
కరకర పెనమున నెగిరెను
వరమని యింటికిని తేగ వద్దనకొచ్చెన్
బిరబిర స్నానము జేసెను
మరమర పోపుల గలిసిన మనసులు మెచ్చెన్!
అమ్మలు తిప్పగ నవ్వెను
కమ్మంగ పసుపునుజల్ల కరముల మెరిసెన్
నిమ్మను పులుపునకీయగ
నమ్మకమౌ రుచులనిచ్చె నచ్చెడిదిదియే!
ఉల్లిని గలిపిన చోటను
పల్లీలను గలుపు చోట, పచ్చిమిరపలన్
జల్లెడి చోటను, బొరుగుల
మెల్లగ గలిపెడి మనసులు మెచ్చరె రుచులన్!
చురచుర కత్తుల బోరెడు
సురలును జూడని రుచులను సుఖముగ సీమన్
బొరుగులు యుగ్గాణవ్వగ
వరమని దినరే మనుషులు వద్దనగలరే!
కరముల నిండుగ దొరికిన
మరమర మనలను గలిపెడి మర్మము నేర్పెన్
బరబర నరికెడి జనములు
వరమని యుగ్గాణి గొనరె వడ్డన సీమన్!
No comments:
Post a Comment