గాలివాటం

"గాలి" వాటంగా హత్తుకునే మేఘాలలో
రాలిన చుక్కల
తోడు పలకరింపులు

"గాలి" వాటంగా పీల్చుకునే శిఖరాలలో
వాలిన గర్వపు ఎత్తుల
తోడు లోయదారొంపులు

"గాలి" వాటంగా ఉరికే లోయలో
రాలిన పూల
తోడు గుబాళింపులు

"గాలి" వాటంగా సడైపట్టుకునే శరీరాలలో
రాలని మిత్రుడిలా
తోడు ఙ్ఞాపకపుగుంపులు

వానచుక్కలు పూయించిన పూలు
పూలు పిలిచిన పలకరింపులు
పలకరింతలు పరచిన దారులు
దారులు చేర్చిన శిఖరలోయల గమ్యాలు
గమ్యాలు మిగిల్చిన ఙ్ఞాపకాలు
ఙ్ఞాపకాలు అమర్చిన జీవితం
ఆద్యంతం గాలివాటం, ఈ హృదయకవాటం !