గొప్పలు పోయెడి సమయము
మొప్పల చేపను గనినను మొత్తము దెలియున్!
తిప్పలు తట్టుకునీదను
నిప్పగు నోరును తెరవవు నిలకడ నేర్పున్!
ఎప్పుడు నేనెంతన్నను
తప్పక జూడంగవలయు తరువులయనెదన్!
తుప్పల కాయలు గాసిన
తప్పకయణిగే గనబడు తత్వము దెలిపెన్!
చెప్పుడు మాటల వినుటను
తప్పుడు తలపుల తలుపులు తమవని తెరిచే
టప్పుడు, వినబడలేదా
చప్పుడుజేసే యెనకటి చర్నాకోలా?
ఎదిగిన మానును జూసిన
నొదిగిన విత్తనమనేది నొకపరిగనమే!
ఒదిగిన మేలగు నెత్తుల
నెదిగెదమనుమాట నీవె నేర్వగరావే!
No comments:
Post a Comment