దారపాధారం

దారాన్ని పట్టుకుని
ఎదిగిన
ఒక తీగ
తీగతో పచ్చని ఆకులు
ఆకులతో ఎదిగిన పూవు
పూవుతో తియ్యని మకరందం
మకరందంతో స్నేహపుభృంగం
భృంగంలో ఓ నిశ్శబ్దచలనం
ఆ చలనం చూస్తూ నేను!
ఆ నిశ్శబ్దంలో తడుస్తూ నేను!
దారం కనబడలేదు
చలనం చూస్తూంటే!
నిశ్శబ్దంలో తడుస్తూంటే!
మళ్ళీ వెనక్కితిరిగి
అన్నింటినీ
ఒక్కటొక్కటిగా చూస్తూ
అనుభవిస్తూ
ఆనందిస్తూ
పరవశిస్తూ
కదిలేవరకు
మదిలో సుధల
ఆధారపుదారం
వెదికేవరకు!