రాముడు కొలిచెను యందురు
భామలకృష్ణుడు కొలిచెను భార్యలబొందెన్!
ఏమివి ఏడేడుకతలు
మేమిని మేధిని పిలిచిన మేలై రావా!
రారా! వినయకుమారా!
ఏరా! నీయాకలి గననేరా యన్నన్!
తారాపతియే నవ్వెను
భారోదరముగన, శివుని భాసితశిరమున్!
సత్రాజిత్తుకు చేరెను
చిత్రాల శమంతకమణి చిత్రముగాదే!
పొత్రాన్ని లాగిన బలుడు
చిత్రానపనింద బొందె చిత్రమదేలే!
యుగములు దాటిన హరిగన
యుగములనొక ఎలుగు దాటియున్నది వరమున్!
మొగములు చూడని యుద్దము
జగముల జూపిరి యిరువురు జనమలు దాటిన్!
సూతుడు చెప్పిన కతలవి
పాతుకుపోయెను మనసున పారముజేరన్!
మెతుకులుబట్టుట నేర్చుచు
వెతుకుట మరచిన మనసుకు వెతలే సుధలున్!
ఎక్కడి వాడీ గణపతి
పక్కకు జూడక చదివిన పలితములేనా!
మొక్కిన మరకట శిరమును
చక్కగ నిలిపే వరముల చలివిడినిమ్మా!
(వినాయకచవితికి కథలు విని రాసుకున్న కందాలు)
No comments:
Post a Comment