లేశం-క్లేశం
---------------
మనిషిగా బతకాలని ఎదిగే ఒకరు
మనిషిగా బతకటం మర్చిపోయిన ఇంకొకరు
జీవితోంలో ఏది బరువోననే సంశయం!
కలలతెరలను చూస్తూ పగటికళ్ళు తెరవాలనే ఒకరు
రెండుకళ్ళతో లేస్తూ పక్కవాడికి కలలతెర అవ్వాలనే ఇంకొకరు
జీవనానికి ఏ తెరవ్వాలనే తెలీని సంశయం!
తెలిసిన ఙ్ఞానంతో మెట్లపై పరుగిడి ఎదగాలనే ఒకరు
కలిసిన ఙ్ఞానంతో ఎదిగిన చెట్లలా నిలిచి నీడయ్యే ఇంకొకరు
ఎలా ఆగనివయసుతో ఎదగాలా అని తెలీని విస్మయం!
నీటిలో మునిగే చూపులను ఒదిలి, ఒడ్డుకు ఒంటరిగా ఈదేసే ఒకరు
కాటిలోకి పట్టుకుపోయేప్పటి చూపుల్లో, ఓ నలుగుర్ని అక్కడే పోగేసుకునే ఇంకొకరు
గమ్యంలో చేరే చూపులేవో, దారిలో తెలీక ఆగనిక్లేశం!
తెలీని దారుల్లో
తెలీని జీవాలతో
తెలుసనే ఊసుల ఙ్ఞాపకం!
తెలుసుకోమనే ఙ్ఞానప్రయాణం!
(చంద్ర రెంటచింతల - జూన్ 1, 2017)
No comments:
Post a Comment