సూర్యుని కిరణాల మారని వేడి స్థానం
భూమితో కలగలిపి మనదే కాలప్రస్థానం!
ఆత్రంగా ఆగక వెలిగే నక్షత్రదివ్వెల కాంతిరూపాలు
చిత్రంగా పగటికాంతిలోనూ కనుమరుగనే కంటిపాపలు!
సముద్రాలు మనచుట్టూ ఉసూరుమని ఉన్నాయనే మానవకల్పితాలు!
మనం సముద్రాలనడుమ ఉసురు పోసుకున్నామనే మనోనేత్రాలు!
జరామరణాల తెలీని తేదీల మధ్య మన ఆయువుభయాలు
చుట్టూ తెలిసిన మన్నే ఆకృతుల మధ్య మనవి తృణప్రాయాలు!
అస్థిరతే మకిలై పడితే
స్థిరతేదో మదికే తడితే
సముద్రాన్ని కళ్ళల్లోంచి తరిమెయ్!
ఆనందాన అహరహమును తడిపెయ్!
అనుభూతిక్షణాల మయూఖతంత్రుల్ని మీటేయ్!
అంతరాత్మనే కాంతిపుంజపు వెలుగుల్లో వెలిగెయ్!
నీ జాడలనీడకు తొలివాటము నీవను కాంతిని వెదికెయ్!
నీ నీడలజాడలు తుదిబాటను దాటుట నీ తరమని కదులోయ్!
(చంద్ర రెంటచింతల - మే 25 2017)
No comments:
Post a Comment