ఆకాశంలో నీలపు నిర్మలత్వాన్ని
రంగూరుచిలేని నీళ్ళకు కలిపితే
భూమిలా తెలీని ఒరుసుపై తిరిగే స్థిరత్వాన్ని
తాడూబొంగరంలేని గాలితో కలిపితే
అగ్నిలా కణకణమండే భగ్నత్వాన్ని
అశరీరజ్ఞానం తెలిపే అంతరదీపపు వెలుగుకై కలిపితే
వాయువులా సర్వవ్యాపితమై పంచే జీవనాధారమూలాన్ని
తుచ్ఛపు పాంచభౌతికసుఖాలకై ప్రోగేసే మనుషులతో కలిపితే
నీటిలా పల్లానికి పరిగెట్టి తీర్చే అర్తిని
పరుల ఓటమి చాటుగా ఎదగాలనే అజీర్తికి కలిపితే
పంచభూతాలూ
జీవనపంచామృతాలే!
No comments:
Post a Comment