కళ్ళు నీళ్ళను చుట్టుకునీ
అందవిహీనం అవుతుంటే
వదిలేసి నగ్నంగా ఓక్షణం ఆనందిస్తే!
గుళ్ళు గళ్ళను నెట్టమని
మానవతావిహీన మనమంటే
వదిలేసి సమిధనై ఓక్షణం ధైర్యంగుంటే!
సంస్కారం ఆస్కారం ఇవ్వనని
మోడుచెట్టులా మనమంటే
వదిలేసి భగ్నమైన ఓక్షణం విదిలించేస్తే!
ఆకారం కారం చేరదని
నల్లమట్టిలా కనమంటే
వదిలేసి దుగ్ధమై ఓక్షణం కాల్చే వేస్తే!
ఆ క్షణం అంతర్యుద్ధం
ఆ క్షణం ఆనందార్థం
ఆ క్షణం ఆత్మయదార్థం
ఆ క్షణం జీవిత అర్థం !
No comments:
Post a Comment