కొమ్మల్లో తొంగిచూసి
కోమలిలా ఎదురువచ్చి
కొంటెగా ఓ చూపిచ్చి
కొండమల్లి మొక్కనెక్కి
కొంతైనా చూడమంటూ
కొంపలేం మునగవంటూ
కొంతటు కదిలిందేమో
కొంగొత్తగ పూలన్న్నీ
కొప్పుల్లో మల్లెలల్లే
కొత్తగా జారి పడుతుంటే
కొంకర్లుపోతూ నవ్వుకుంటూ
కొమ్మలుపట్టుకు దూకింది!
కొంచెం సిగ్గుపడి
కొంతైనా మనసుపడి
కొండంత ఆశపడి
కొంచెపడిన గుండెవడి
కొంచెం నిదానించుకుంటూ
కొంగజపం నాదికాదన్నట్టు
కొంపదీసి మనసిచ్చాననుకుంటూ
కొందళించు కనురెప్పలను
కమనీయ రూపంలా దాచి !
కొంటెకోమలిబోలు జీవానికి
కొన్ని పదాల్లో ప్రేమనిలా
కొంతలోకొంత ఉడతా భక్తిగా!
(జన్12 ఉడత కొనసాగింపుగా)
No comments:
Post a Comment