మన శరీరం

కాలు కదిల్తే
మంచీ చెడూ దార్ల
కలివిడిలోనే ప్రయాణ భారం

చేయి తిరుగుటకు
చేయి చాచుటకు
కరవడిలో ఒకటే దూరం

చేయి లేస్తే
అభయం భయం
కదలుటకొకటే ఆధారం

మస్తిష్కంలో కదిలే
అక్కర, ముక్కల ఆలోచనల
కట్టడికొకటే తీరం

అవసరాలకై కదిలి
అది నాది, తుది ఏదని
వెదికేందుకు ఈ శ్రమ ధారం

కలిసి బతికేందుకు చేరాం
కలవకపోతే ఆనందం దూరం

కదలాల్సిన దూరం
కనులముందేనని చూపే శరీరం
కలిగున్నామని తెలుసుకోవటమే ఒక వరం!