సురలే వేడిరియనుకొన
కరిమకరములే కనుమను కథలును లేవే!
వరమది హరినే తలచుట
శరణాగతిజొచ్చువారి శక్తే హరియున్!
సిరి తానొచ్చిన నొచ్చును
కరిమొర వినగనె హరికిని కదలిక యొచ్చెన్
కరిగన కారుణ్యాక్షడు
సిరినే విడిచియు వచ్చెను సిరియన యదియేన్!
వచ్చెడి వాడే హరియని
వచ్చిన చచ్చెదనని తెలిసి వరముగ వేచెన్
వచ్చుట నాపడు హరియే
ఇచ్చెను మోక్షము మకరికి ఇలవేలుపుగాన్!
కరుణను దొరికిన సుధయే
సురలకు వెతలగు కథలున సూక్ష్మత తెలిపెన్!
తరుణోపాయము హరియే
మరణపు తలుపుల నిలిచెడి మనుషులకిలలోన్!