పాటలకవు లేపాటని
గాటను గట్టంగజూడు గావరజగతిన్
తేటతెలుగాటమాటల
బాటన వేటూరియొచ్చి బాసట నిలిచెన్!
భావపుదారిని దాగు ము
భావపు మనసుగరిగించు భావకుని గనన్!
చేవగు భాషనుబట్టుకు
తేవగనొచ్చి పదయోగి తేనెలనిచ్చెన్!
రాముని బంటే తానై
గోముగ సీతమ్మ చెంత గోధూళనుచున్
పాముకు బోయిన వర్ణము
జామున దొలగించినారు జానపదంబున్!
భక్తిని రాసిన వారలు
రక్తిని రాసిరి కలమున, రక్తము మరగన్
శక్తిని జూపిరి మహిళకు
యుక్తినెరిగి రాయగలరు యుద్ధము మదిలోన్!
వందలపాటలు యందున
చిందుల జీవులకు రాసె చింతలనొదిలిన్!
సందడి మధ్యన పదముల
నందము విడవకనురాయ నందము గాదే!
ఇందువదన కుందరదన
మందగమన మధురవచన మంతయు దానే
నాదవినోదపు నాట్యము
వేదపు యణువణువు నాదవేదన తనదేన్!
శంకర నాదశరీరా
యంకపు జేయే యడిగిన యంతనె రాసెన్
వంకల బోయే చెలి గొర
వంకకు ప్రేమదెలుప తనవంతుగ లేఖల్!