గజేంద్రమోక్షం
ద్రౌపదీ మానసంరక్షణం
నేర్పిన ఆర్తరక్షణం
గజముఖ ప్రసాదఘట్టం
శ్రీరామపాదుకా పట్టం
చూపిన భక్త విచక్షణం
భస్మాసుర కైబలిమి
కీచకాది మద దునిమి
తెలిపిన దురాశా శిక్షణం
అమృత జీవన శోధిక
హాలాహల గరళ అరోచిక
కల్పతరూ ఐచ్ఛికకూర్చిక
కామధేను అగత్యతీర్చిక
శశి శ్రీ శాంతిఅవతారిక
రాహుకేతు అంతిమ మరీచిక
దొరికిన మోక్ష ప్రశిక్షణా క్రమణిక
వేదవేదాంగ అక్షర స్వరశృతి
ఖండాలగీతలు ఆపని గీతాధర్మనిరతి
మనిషిని అనిమిషునిగా చేసిన మహతి
మరచి మంచికై మరోలా వెదికే జగతి
నిముషమైనా మరలి చూడుము ఈ గతి
నీకున్న పదుల వేల వత్సరాల సంస్కృతి
మరవకోయీ మనుగడకై నీవు ఏ రీతి!
No comments:
Post a Comment